Все
  • Все
  • Обсуждаемые
За все время
  • За день
  • За неделю
  • За месяц
  • За все время
II ӨЛӨӨН ОРОЙУОНУН «АКИМОВСКАЙ ААҔЫЫЛАР»
МБУК ОРЭЦ "Илкит"
8 июня 2016, 05:14
0

Үрдүк идеялары киллэрсэн,

Үгүс билиини ыччакка бэрсэн,

Үүнүү-сайдыы сырдык кэскилинэн

Үтүмэн ыччаты үөрэтистиҥ,

ҮлэҺит дьоннору үүннэристиҥ.

Иитэр-өйдөтөр быҺыыгынан

Бүөбэйдээн иитиспит эдьиийбит,

Үөрэх-билии кыҺатын саҕан

Үөрэппит биҺиги учууталбыт…

Ыам ыйын 6 күнүгэр күлэр күннээх сырдык утахтаах күн сиригэр дьоллоох Өлөөн килбэйэр киинигэр көмүскэс сүрэхтээх, аҺыныгас санаалаах Айыы Хаан удьуора саха тылын учуутала Мария Николаевна Акимова баара буоллар Күн Сирин көрбүт үтүө күнэ буолуохтаах этэ. Мария Николаевна үөрэҕирии салаатыгар 50 тахса сыл устата үүнэр көлүөнэни үөрэппитэ, кини биир да оҕону араарбакка, барыларын тэҥнээхтик көрөн, үөрэтэн талааннарын арыйар дьоҕурдаах учуутал этэ.

БиҺиги оройуоҥҥа 70-с сыллардаахха алыптаах хоҺоон ааҕыытын эйгэтэ кырдьык, күүскэ сайдыбыт кэмэ этэ. Бу хайысханы Өлөөн орто оскуолатын оҕолоро улахан оройуоннай мунньахтарга, тэрээҺиннэргэ литературнай-художественнай монтаж – диэн маассабай дьарыкка кубулуйбута, элбэх кыттааччылаах, толоруу таҺыма олус үрдүк буолара. Бу хас да сыллаах үлэ түмүгэ буолара чахчы. Бу оҕолору аан бастаан үтүө суобастаахтык иитэр үлэҕэ директоры солбуйааччы Наталья Герасимовна Выборнова уонна саха тылын учуутала Мария Николаевна Акимова, онтон кэнники Республикатааҕы агитбригадалар көрүүлэригэр Николай Федорович Кудрявцевтыын баран ситиҺиилээхтик кыттан кэлбиттэрэ.

2016 сыл ыам ыйын 8 күнүгэр Өлөөн эбэ кэрэ туонатыгар Олоҥхо дойдутун Далбар Хотуна, Өлөөн Орто оскуолатыгар өр сылларга үлэлээбит, саха тылын уонна литературатын учуутала, «Орончикан» эбэҥки национальнай ансамбылын төрүттэспит, эбэҥки ырыаларын, фольклорун хомуйааччы, РСФСР норуотун үөрэҕириитин туйгуна, «Учууталлар учууталлара», «Азия оҕолоро» фонда стипендиата Мария Николаевна Акимова аатынан II оройуоннааҕы хоҺоон ааҕааччылар күрэҕэ үрдүк таҺымнаахтык ыытылынна.

Бу үөрүүлээх күн «Орончикан» ансамбль толоруутугар «Өлөөн Эбэттэн көрдөһүү» сиэриттэн-туомуттан саҕаланна. Дьоллоох дьоро киэҺэни Мария Николаевна биир дойдулаахтара, Сунтаартан төрүттээх Алексей Николаев уонна Дмитрий Федотов иилээн-саҕалаан ыыттылар.

…«Күндү санааны кынаттыыр, хоһоон куттаах доҕотторбутун, хомоҕой хоһоон дьон-сэргэ сүргэтин көтөҕөр дьоро түһүлгэтигэр ситиһиилэри, ким кыахтаахха кыайыыны-хотууну, эдэр ыччакка — үрдүк чыпчаалларга дьулуһан, үөрэҕи-үлэни баһылаан, айар – тутар       Өлөөн эбэ ыччатабын диэн үтүө ааккын үрдүктүк тут!», — диэн алгыс тылынан эҕэрдэлээтэ Өлөөн эбэҥки национальнай оройуонун Культураҕа салаатын начальнига, күрэх тэрийэр бөлөҕүн салайааччыта, Российскай Федерация үөрэҕириитин туйгуна, Саха Республикатын культуратын үтүөлээх үлэһитэ Надежда Прокопьевна Николаева.

Кыттааччылары 5 киһиттэн састааптаах Дьүүллүүр сүбэ сыаналаата:

  1. Дьүүллүүр Сүбэ бэрэссэдээтэлэ: Надежда Прокопьевна Николаева.
  2. Наталья Гаврильевна Семенова — «Акимовскай ааҕыылар» I оройуоннааҕы күрэх Гран-При хаһаайката.
  3. Николай Семенович Семенов – М.Н.Акимова үөрэнээччитэ, «Акимовскай ааҕыылар» I оройуоннааҕы күрэх кыайыылааҕа, үлэ харыстабылын инспекциятын салайааччыта.
  4. Гаврил Гаврильевич Атаков – Өлөөн долгуннара радиостанция салайааччыта.
  5. Мария Иннокентьевна Степанова — «Акимовскай ааҕыылар» I оройуоннааҕы күрэх 1 степеннээх лауреата, Өлөөн оройуонун реабилитационнай Киин үлэһитэ.
  6.  

Хомоҕой хоһоон дьоро түһүлгэтигэр хоһоону таптааччылар барыта 100 кыттааччы күөн көрүстүлэр. Күрэх үс категорияҕа арахсан: 7-17 сааһыгар диэри оскуола оҕолоругар , 18-35 саастарыгар эдэр ыччакка, 36 саастарыттан үөһээ улахан дьоҥҥо ыытылынна. Бастакы категорияҕа Өлөөн орто оскуолатын 2 “А” кылааһын үөрэнээччилэрэ (кылаас салайааччыта Любовь Николаевна Стручкова), Өлөөн орто оскуолатын 2 “В” кылааһын үөрэнээччилэрэ (кылаас салайааччыта Людмила Ксенофонтовна Егорова), Өлөөн орто оскуолатын 3 “Б” кылааһын үөрэнээччилэрэ (кылаас салайааччыта Татьяна Николаевна Федотова), Өлөөн орто оскуолатын 4 “А” кылааһын үөрэнээччилэрэ (кылаас салайааччыта Антонина Васильевна Алексеева), Өлөөн орто оскуолатын 7 “А” кылааһын үөрэнээччилэрэ (бэлэмнээбит салайааччы­­­­­­­­­­­ Прасковья Прокопьевна Егорова), Өлөөн орто оскуолатын 9 “А” кылааһын үөрэнээччилэрэ (кылаас салайаачыта Наталья Васильевна Семенова), Өлөөн орто оскуолатын 9 “Б” кылааһын үөрэнээччилэрэ Есения Иванова, Айыына Алексеева (кылаас салайааччыта Джемма Николаевна Дьяконова), Харыйалаах орто оскуолатын үөрэнээччилэрэ (кылаас салайааччыта Декабрина Тимофеева), “Орончикан” ансаамбыл үөрэнээччилэрэ (салайааччы Кирилл Игнатьев) күөн көрүстүлэр. Иккис категорияҕа Өлөөммүт эдэр кэнчээри ыччаттара Саргылана Алексеева (Өлөөн), Кирилл Колодезников (Харыйалаах), Лена Колтовская (Өлөөн), Юлиан Иванов (Харьялах), Николида Томская (Харыйалаах), Мария Караваева (Өлөөн), Саина Иванова (Өлөөн) күрэхтэстилэр. ҮҺүс категорияҕа Светлана Михайлова (Өлөөн), Майя Николаева (Өлөөн), Дария Степанова (Өлөөн), Люция Илларионова (Өлөөн), 1986 сыллаа5ы выпуск (Өлөөн), Айна Новгородова (Өлөөн), Сардана Иванова (Өлөөн), Вера Декоямова (Өлөөн) кытыннылар.

Дьүүллүүр Тойон Сүбэ түмүк таҺаарар бириэмэтигэр ыллам-чаҕаан ыччаттары, ытык-мааны бар-дьону, күндү үтүө ыалдьыттары эҕэрдэлээтилэр Мария Николаевна Акимова кыыҺа Надежда Николаева, таптыыр күтүөтэ Алексей Николаев, үөрэппит оҕото Мария Иванова хомуска дьүҺүйүүтүнэн, «Орончикан» ансаамбыл үҥкүүҺүттэрэ, сиэннэрэ Айсена Кокорева, Сулус Семенов уонна хос сиэнэ Айсен Кокорев.

Күрэх түмүгүнэн Дьүүллүүр Сүбэ анал ааттары туттарда. Ол курдук, оскуола оҕолоругар Гран-При үрдүк аат иҥэрилиннэ “Орончикан” ансаамбыл үөрэнээччилэригэр (салайааччы Игнатьев К.К.), 1 степеннээх лауреат — 4 “А” кылааһын үөрэнээччилэригэр (кылаас салайааччыта Алексеева А.В.), 2 степеннээх лауреат — 7 “А” кылааһын үөрэнээччилэрэ (бэлэмнээбит салайааччы­­­­­­­­­­­ Егорова П.П.), 3 степеннээх лауреат — 2 “В” кылааһын үөрэнээччилэригэр (кылаас салайааччыта Егорова Л.К.), 1 степеннээх дипломант үрдүк аат иҥэрилиннэ 2 “А” кылааһын үөрэнээччилэрэ (кылаас салайааччыта Стручкова Л.Н.), 2 степеннээх дипломант — Өлөөн орто оскуолатын 3 “Б” кылааһын үөрэнээччилэригэр (кылаас салайааччыта ФедотоваТ.Н.), 3 степеннээх дипломант Харыйалаах орто оскуолатын үөрэнээччилэрэ (кылаас салайааччыта Тимофеева Д.), эдэр ыччакка Гран-При үрдүк аат иҥэрилиннэ Юлиан Ивановка (Харьялах), 1 степеннээх лауреат Мария Караваеваҕа (Өлөөн), 2 степеннээх лауреат Саина Ивановаҕа (Өлөөн), 3 степеннээх лауреат Саргылана Алексееваҕа (Өлөөн), 1 степеннээх дипломант Лена Колтовскаяҕа (Өлөөн), 2 степеннээх дипломант Кирилл Колодезниковка (Харыйалаах), 3 степеннээх дипломант Николида Томскаяҕа (Харыйалаах). Улахан дьоҥҥо Гран-При үрдү ааты ылла Дария Степанова (Өлөөн), 1 степеннээх лауреат Светлана Михайловаҕа (Өлөөн), 2 степеннээх лауреат Люция Илларионоваҕа (Өлөөн), 3 степеннээх лауреат Сардана Ивановаҕа (Өлөөн), 1 степеннээх дипломант Вера Декоямоваҕа (Өлөөн), 2 степеннээх дипломант Айна Новгородоваҕа (Өлөөн), 3 степененнээх дипломант үрдүк ааты сүктэ Өлөөн орто оскуолатын 1986 сыл бүтэрбит выпускниктара.

         Күндү күрэх кыттыылаахтара, Улуу Кыайыы Ытык күнүгэр анаан эдэрдии эрчимҥитинэн, үүнэр олоххутугар өссө биир, өрө дабайыы чыпчаалын чиэстээхтик толорон, хомоҕой хоһоон сүдү күүһүн ыччакка иҥэрэн куруутун бу курдук инники күөҥҥэ сылдьаргытыгар баҕарабыт!

    Түгэнинэн туһанан бу кэрэ киэһээ саҥа сүүрээнинэн ыытылларыгар дууһаларын ууран күүс-көмө, сүбэ-ама буолбут дьоммутугар: Өлөөннөөҕү библиотечнай ситим үлэһиттэригэр – директор Надежда Николаевна Семеноваҕа, Наталья Гаврильевна Семеноваҕа, Александр Петрович Васильевка, Анна Афанасьевна Стручковаҕа истиҥ махталбытын тиэрдэбит уонна бука барыгытыгар санаабыт санааҕыт арчыланнын, ыра санааҕыт туолуохтун, инники олоххут сып-сырдык, ып-ыраас буолуохтун, дьолу тутуһан, дьоһун-мааны дьон буолуҥ диэн баҕаран туран эҕэрдэбитин тиэрдэбит.

Күрэх тосхолун суруйбут, туруорбут проект авторыгар Надежда Николаеваҕа, ааҕааччылары түмпут – Кииннэммит библиотечнай ситим үлэһиттэригэр — директор Надежда Семеноваҕа, бу тэрээһин саҥатын – музыкатын, уотунан – күөһүнэн киэргэппит – Сулустаан Семеновка, түһүлгэни киэргэтэн бэлэмнээбит «Илкит» Этнокультурнай Киин үлэһиттэригэр — директор Алексей Николаевка уонна күндү көмүс көрөөччүлэрбитигэр улахан махтал буоллун.

«Акимовскай ааҕыылар» сахалыы уус-уран хоҺоону ааҕааччылар күрэхтэрэ киэҥ далааҺыннаах, баай историялаах үгэскэ кубулуйан Өлөөн эдэр ыччатын, бар-дьонун түмэн сыл ахсын мунньа туралларыгар баҕарабыт.

Аныгыскы хоһоон ааҕааччылар күрэхтэригэр көрсүөххэ диэри!

Комментарии 0
Оставить комментарий
Оставить комментарий
Гость
Конкурсы
МКиДР РС(Я)
Долгожданная премьера оперы «Князь Игорь» в Пекине: аншлаг и бурные овации
Грандиозной премьерой оперы «Князь Игорь» Александра БОРОДИНА завершились сегодня Дни культуры РС(Я) в Пекине «Искусство Земли Олонхо». Билеты были распроданы задолго до премьеры. Издавна известно нер….
22 января 2016, 07:05
0
Якутский государственный…
Молодые музейщики в составе экспертной комиссии научно-практической конференции «Шаг в будущее-2013»
26 ноября в селе Чурапча Чурапчинского улуса прошел улусный этап научно-практической конференции молодых исследователей «Шаг в будущее». От нашего музея в качестве члена экспертной комиссии в секци…
21 май 2020, 16:52
0
Якутский государственный…
Первый форум музеев стран-участников ТЮРКСОЙ
8-12 ноября в городах Бурса и Стамбул (Турция) состоялся Первый Международный Форум музеев стран-участников ТЮРКСОЙ – «Культурное наследие тюркского мира и музеи», в котором приняли участие директора…
21 май 2020, 16:52
0
Якутский государственный…
Директор музея Е.С. Шишигин вошел в Президиум Союза музеев России
1 декабря в Эрмитажном театре Санкт-Петербурга состоялось отчетно-выборное общее собрание Союза музеев России. С отчетным докладом выступил Президент Союза музеев России, генеральный директор Государс…
21 май 2020, 16:52
0